საუდის არაბეთის მაღაზიების თაროებიდან ისმის ბავშვის ტიკტიკი, სიცილი, ტირილი... ცისფერთვალება ჩინელი თოჯინა ანაბელი საწოვარასაც წოვს, ბოთლით რძეს სვამს, ამთქნარებს, ტკბილად სძინავს, გაღვიძებისას კი პატარა ბავშვივით ტირის. ტირიან საუდის არაბი ბავშვებიც. კანონი მათ უკრძალავს იმ თოჯინებით თამაშს, რომელთა გახდაც შეიძლება, რადგენ ეს საზოგადოების ზნეობრივ ნორმებს ეწინააღმდეგება. თოჯინა ანაბელი ალბათ ბარბის ბედს გაიზიარებს _ იგი 10 წლის წინ საუდის არაბეთში პერსონა ნონ გრანტად გამოცხადდა. რელიგიური პოლიცია ყოველდღე ამოწმებს მაღაზიებს და ვაი მას, ვისაც თოჯინას აღმოუჩენენ.
ქალების აზრით, ეს მათი უფლებების მორიგი დარღვევაა, თითქოს საკმარისი არ იყოს, რომ საჭესთან ჯდომა, მობილურის ხმარება ეკრძალებათ, ახლა ბავშვს სათამაშოსაც ვერ უყიდი! ამიტომ აკრძალვებს ბევრი ქალი არ ეპუება. მათი აზრით, დროა, რელიგიური ფანატიკოსების ბატონობას წერტილი დაესვას
|
მთავარი
